Надвор’е спрыяе паводцы. Месцамі па краіне інтэнсіўнасць павелічэння ўзроўняў вады за суткі ўжо даходзіць да 50 сантыметраў. Зараз пад асаблівай увагай ваганні на Нёмане і Прыпяці.
Па словах інструктара Таварыства выратавання людзей на вадзе, з жыхарамі ў зонах падтапленняў ужо праведзена ўся падрыхтоўчая праца:
— Кожны чалавек павінен сам вызначыць рызыкі, якія пераследуюць яго. Калі праводзім гутаркі з людзьмі, мы тлумачым, як падрыхтавацца да паводкі, як дзейнічаць у перыяд паводкі, і самае галоўнае, як яшчэ пасля паводкі сябе паводзіць. Мала хто разумее, што ў дом, які затоплены, заходзіць проста так нельга. Ты можаш патрапіць альбо пад напругу, альбо калі ты адкрыты агонь выкарыстоўваеш, газы могуць назапасіцца, і можа адбыцца выбух. Гэта значыць, тут хто пражывае ў гэтай зоне, не раз праходзілі праз паводкавую сітуацыю.
Па дадзеных ратавальнікаў, у найбліжэйшыя дні на большасці рэк краіны рост узроўняў вады захаваецца, працягнецца разбурэнне лёду.
Беларускае Радыё Рацыя
