У Вільні завяршылася перапраўка групы былых беларускіх палітвязняў, вызваленых 13 снежня.
Па шляху з турмаў Беларусі праз Чарнігаўскую вобласць Украіны, Варшаву і да сталіцы Літвы вызваленых, у тым ліку, суправаджала і кіраўніца Місіі дэмакратычных сіл Беларусі ў Кіеве Святлана Шаціліна:
-Увесь гэты шлях я была з беларусамі. Атрымалася эфектыўна. Лукашэнкаўская ўлада зрабіла ўсё, какб стварыць для гэтых людзей максімум перашкод.
Асобна Шаціліна падзялілася ўражаннямі ад моманту сустрэчы вызваленых з роднымі:
-Я была ў аўтобусе і выходзіла астатняй. Тыя, хто іх сустракаў, я бачыла, як яны хваляваліся. Людзі разумелі, што яны выходзяць у зусім іншае жыццё.
У Вільні былых палітвязняў сустракалі родныя, сябры, валанцёры, прадстаўнікі дэмакратычных сіл Беларусі, дыпламаты і грамадскія дзеячы. Наступным этапам стане афармленне дакументаў і дапамога ў легалізацыі іх знаходжання ў краінах Еўрапейскага Звяза.
Цалкам гутарка:
Беларускае Радыё Рацыя
