Дэпутаты Берасцейскага гарадскога савета на чарговай сесіі прадэманстравалі народу сваю заклапочанасць пра найбольш уразлівую частку грамадства ў абласным горадзе Берасці.
Рашэннем Берасцейскага гарадскога Савета дэпутатаў сацыяльная падтрымка са сродкаў гарадскога бюджэту прадастаўлена ў выглядзе бясплатнага наведвання грамадскіх туалетаў інвалідам баявых дзеянняў на тэрыторыі іншых дзяржаў, інвалідам І і ІІ груп, дзецям-інвалідам ва ўзросце да 18 гадоў і пенсіянерам па ўзросце.
Туалеты знаходзяцца ў гаспадарчым веданні камунальнага унітарнага прадпрыемства “Берасцейскае дарожна-эксплуатацыйнае прадпрыемства” і Берасцейскага камунальнага унітарнага прадпрыемства “Парк культуры і адпачынку”. Рашэнне ўступіла ў сілу 7 жніўня.
Астатнія жыхары і госці горада, хто не падлягае гэтай квоце, думайце, як і дзе справіць патрэбу, калі не аказалася ў кішэні грошай.
Аліна Андрыевіч, Беларускае Радыё Рацыя
