Сайт эканамічнага незалежнага выдання “Белорусы и рынок” перастаў адкрывацца на тэрыторыі Беларусі. З-за мяжы і пры выкарыстанні VPN ён застаецца даступным. “Белорусы и рынок” — адно з першых прыватных СМІ краіны, якое спецыялізуецца на эканоміцы.
У 2022 годзе Міністэрства інфармацыі анулявала рэгістрацыю газеты, а яе дырэктара Канстанціна Залатых затрымалі і асудзілі на чатыры гады калоніі.
Сістэмныя рэпрэсіі супраць незалежных СМІ ў Беларусі працягваюцца. Толькі за апошнія месяцы пад ціск трапілі выданні Intex-Press і “Позірк”, а іх журналісты і супрацоўнікі сутыкнуліся з затрыманнямі і абвінавачваннямі ў “садзейнічанні экстрэмісцкай дзейнасці”.
Беларускае Радыё Рацыя
