25 лістапада — міжнародны дзень барацьбы за ліквідацыю гвалту ў адносінах да жанчын. Паводле праваабарончага цэнтра «Вясна», у Беларусі 156 палітзняволеныя жанчыны знаходзяцца за кратамі, праваабаронцам вядома пра 503 былых палітзняволеных жанчын.
Беларусь дагэтуль не ратыфікавала Стамбульскую канвенцыю, міжнароднае пагадненне Рады Еўропы аб прадухіленні і барацьбе з гвалтам у адносінах да жанчын і хатнім гвалтам. Мэта Канвенцыі — нулявая цярпімасць да гвалту.
Гвалт у адносінах да жанчын — найбольш распаўсюджанае парушэнне правоў чалавека ў свеце, гэты панятак уключае ў сябе любую форму фізічнай, сексуальнай, псіхалагічнай або эканамічнай шкоды жанчынам. Паводле звестак ААН, кожныя 10 хвілін у свеце адбываецца забойства жанчыны, кожную гадзіну больш за пяць жанчын забіваюць свае ж сямейнікі.
Беларускае Радыё Рацыя
Фота ілюстрацыйнае з адкрытых крыніц інтэрнэту
