ГУБАЗіК затрымаў заснавальніка кампаній aOrion і United Vehicle Robotics, відэа з мужчынам апублікаваў блізкі да сілавікоў тэлеграм-канал.
На «пакаяльным відэа» затрыманы кажа, што мае пасаду намесніка дырэктара па развіцці фірмы, якая займаецца праектаваннем сістэм кіравання і беспілотнымі сістэмамі.
Мужчыну прымусілі прызнацца ва ўдзеле ў пратэстах у 2020 годзе.
Паводле інфармацыі @mediazona_by, затрыманы — Вадзім Чараўко.
aOrion займаецца распрацоўкай і вытворчасцю прафесійных дронаў для бізнэсу і дзяржслужбаў.
United Vehicle Robotics займаецца праектаваннем і распрацоўкай аўтаномных грузавых дронаў-верталётаў і грузавых беспілотных авіяцыйных сістэм верталётнага тыпу.
