Рамонт касцёла св. Сымона і Алены “хутка пачнуць”. Пра гэта паведаміў дырэктар прадпрыемства “Мінская спадчына”, якое кіруе будынкам, Аляксандр Кохан.
Паводле яго слоў, на наступным тыдні з касцёла пачнуць вывозіць маёмасць, пасля чаго пачнуцца рамонтна-аднаўленчыя работы.
Паводле Кохана, дамоўленасць пра вызваленне памяшканняў з пробашчам парафіі дасягнутая. Абмеркаванне гэтага пытання адбылося і на ўзроўні Менска-Магілёўскай архідыяцэзіі.
Нагадаем, што Чырвоны касцёл зачынены для вернікаў з 26 верасня 2022 года. Гэта адбылося пасля пажару, які, як сцвярджалася, узнік нібыта з-за праблем з электраправодкай.
