Уладальнік крамы «Адметнасць» і грамадскі актывіст Сяргей Верамеенка атрымаў дзіўны адказ са Следчага камітэта Беларусі наконт заведзенай на яго новай справы.
Распавядае Сяргей Верамеенка:
– Дзесьці некалькі месяцаў таму я даслаў ліст з патрабаваннем азнаёміць мяне з матэрыяламі той справы ці як яна там называлася – “спецвытворчасць” – у дачыненні да мяне. У гэтым лісце пішуць, што ў адказ на ваша хадайніцтва, але я не хадайнічаў, а патрабаваў азнаёміць мяне з матэрыяламі “спецвытворчасці”.
Па словах актывіста, ён да сённяшняга часу не ведае, што такое гэта «спецвытворчасць»:
– На мяне заводзілі адміністрацыйныя справы, крымінальныя, чаго толькі не заводзілі, але што такое “спецвытворчасць” я не разумею. Таму хіба мне трэба шукаць вось гэтага абаронцу разам з якімсьці абвінавачаным, каб яны мне патлумачылі. Але, на жаль, адраса няма.
Сяргей будзе далей спрабаваць даведацца, што такое «спецвытворчасць». Гэты ліст ад Следчага камітэта ён лічыць адпіскай.
Цалкам матэрыял слухайце ў далучаным файле:
Беларускае Радыё Рацыя
