Пра гэта Леанід напісаў у сваім Facebook.
«Следчы камітэт паведаміў сёння аб заканчэнні расследавання новага абвінавачання мяне ў “іншым садзейнічанні экстрэмісцкай дзейнасці”, прычым абвінавачваючы ў паўторнасці (да 7 гадоў турмы). Паведамляецца аб перадачы справы пракурору для накіравання ў суд.
Я са свайго боку паведамляю Следчаму камітэту аб перадачы фактаў працягваючыхся палітычных рэпрэсій ва ўтвораную пры Савеце ААН па правах чалавека групу міжнародных экспертаў, якія займаюцца расследаваннямі рэпрэсій па Беларусі».
Нагадаем, у лістападзе 2021-га году Леаніда Судаленку асудзілі да 3 гадоў зняволення. Праваабаронца выйшаў на волю 21 ліпеня, цалкам адбыўшы свой тэрмін — за кратамі праваабаронцу ўтрымлівалі два з паловай гады. Праз два тыдні пасля вызвалення ён з’ехаў з Беларусі.
вясна
