Глабальнае пацяпленне спрыяе распаўсюду небяспечных відаў цвілі, якія могуць заражаць лёгкія і мозг чалавека. Паводле даследаванняў Манчэстэрскага ўніверсітэта, арэал аднаго з самых небяспечных відаў — Aspergillus fumigatus — можа вырасці ў Еўропе на 77% да 2100 года.
Кажа навуковец, экс-супрацоўнік Інстытута агульнай і неарганічнай хіміі НАН Беларусі Сяргей Бесараб:
– Асноўная сусветная пагроза – гэта аспергіл чорны. Уся гэтая навала вельмі цесна звязаная менавіта са зменамі клімату. Калі казаць пра Польшчу, то я бачыў даследаванні, дзе палякі менавіта кажуць, што пагроза грыбковых захворванняў будзе павышацца ў колькасці, яны ўжо і зараз ёсць, пагроза перадусім для людзей са слабым імунітэтам і для онкахворых.
Па словах навукоўца, асабліва небяспечныя і Aspergillus flavus, якія могуць заражаць прадукты і вылучаць атрутныя рэчывы — афлатаксіны. Чалавецтву трэба рыхтавацца да росту рызыкі і шукаць новыя метады барацьбы з грыбковымі інфекцыямі, пакуль яны не сталі глабальнай пагрозай.
Цалкам матэрыял:
Беларускае Радыё Рацыя
Фота з адкрытых крыніц.
