Аляксандр Варонін, Алег Зыкун, Вячаслаў Панасюк і Руслан Шукала. Гэтыя асобы з Берасцейшчыны за апошнія два тыдні былі дададзеныя да спісу палітвязняў.
Жыхар Берасця Аляксандр Варонін быў асуджаны па арт. 361-4 Крымінальнага кодэкса — Садзейнічанне экстрэмісцкай дзейнасці. Вынік суда ў адносінах да мужчыны невядомы. Пачаў адбываць пакаранне ў калоніі ва ўмовах агульнага рэжыму.
Лекар-уролаг з Берасця Алег Зыкун падазраецца ў нібы распаўсюдзе персанальных дадзеных сілавікоў. Прысуд невядомы. Утрымліваўся ў СІЗА№7 горада Берасця.
Палітвязень Вячыслаў Панасюк асуджаны на два гады хіміі. Падстава – каментары пад фотаздымкамі беларускага чыноўніка Уладзіміра Караніка. Знаходзіўся ў выпраўленчай установе адкрытага тыпу№55.
І жыхар Пінска Руслан Шукала асуджаны на два гады хіміі таксама за каментар у адносінах да Аляксандра Лукашэнка пад пастом пра павышэнне цэнаў на лекі. Мужчына перабывае ў выпраўленчай установе адкрытага тыпу№39.
Беларускае Радыё Рацыя
