Алег Зелянко вядомы як кіраўнік гістарычнага клуба «Міндоўг» — адной з НДА, зарэгістраваных у Берасьці. Паралельна гісторык займаўся сталярнымі і цяслярскімі працамі і розным бізнэсам.
Як піша “Наша НІва”, у снежні мінулага году Зелянко двойчы асудзілі за нібыта «распаўсюд экстрэмісцкіх матэрыялаў». Пасля адбытых сутак, імаверна, на яго завялі крымінальную справу і пасадзілі ў СІЗА.
Сёлета Алега асудзілі ў Берасьцейскім абласным судзе па абвінавачанні ў «садзейнічанні экстрэмісцкай дзейнасці». Гэты артыкул прадугледжвае да 4 гадоў хіміі ці ад 2 да 6 гадоў калоніі.
Мяркуючы па ўсім, гісторыку прысудзілі якраз калонію — ягоныя сацсеткі не абнаўляюцца, а тэлеграм мае статус «быў анлайн вельмі даўно».
