Сталі вядомыя прысуды дзевяці з сямнаццаці чалавек, якіх судзілі ў Баранавічах за пратэсты 2020 года. Справы ў судзе Баранавіцкага раёна і горада Баранавічы разглядалі Іна Паўлоўская і Анастасія Паўлечка. Піша праваабарончы цэнтр «Вясна».
Усіх судзілі паводле артыкула «Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх».
11 красавіка агучылі прысуды другой палове фігурантаў:
· Эдуард Апановіч, Аляксей Лескавец — па 1,5 года калоніі кожнаму;
· Алена Стахейка, Вольга Тадро — па 1 годзе калоніі кожнай;
· Дзмітры Абрамовіч, Алег Арцюх, Алег Сяргееў, Дзмітры Хута, Вячаслаў Шкуцька — па 1 годзе калоніі кожнаму.
2 красавіка вынеслі прысуды першай партыі фігурантаў справы. Усім прызначылі пакаранне, звязанае з пазбаўленнем волі, тэрміны — ад 1 да 3 гадоў.
Беларускае Радыё Рацыя
