15 снежня 1934 г. у Менску нарадзіўся першы кіраўнік незалежнай Беларусі Станіслаў Шушкевіч. Паводле адукацыі фізік. Браў удзел у падпісанні Белавежскіх пагадненняў. Крытыкаваў палітыку Лукашэнкі і дамагаўся яго імпічменту.
Успамінамі пра дзядулю-палітыка дзеліцца ўнучка, віцэ-спікерка Каардынацыйнай рады Станіслава Гліннік:
–Дзякуй вялікі, што памятаеце! У дні народзінаў дзеда мы збіраліся дома – усе сябры, знаёмыя, родныя. Менш палітыкі. Тое, што зараз адбываецца, для яго б не было сюрпрызам. Ён заўсёды адкрыта казаў, як ставіцца да Лукашэнкі. Я часам думаю, што вайна, магчыма, добра, што ён не ўсё гэта пабачыў. Дзед мой падпісаў Белавежскія дамовы. Я пра сябе жартую, што трэба нашай сям’і яшчэ папрацаваць, каб усё ж такі гэты Савецкі Саюз канчаткова знік.
Станіслаў Шушкевіч – не толькі палітык і навуковец, але і сябра камісіі па вывучэнні вынікаў аварыі на ЧАЭС. Страціў гэтую пасаду, бо намагаўся апублікаваць праўду пра наступствы выбуху.
Цалкам гутарка:
Беларускае Радыё Рацыя
