Берасцейскі абласны суд 22 студзеня завяршыў разгляд крымінальнай справы 48-гадовага Дзяніса Красько, якога абвінавацілі ў распальванні сацыяльнай варожасці альбо варажнечы паводле ч. 1 арт. 130 Крымінальнага кодэкса.
Судовы працэс пачаўся 14 снежня, яго вёў суддзя Сяргей Беразюк. Дзяржабвінаваўца — пракурорка Марыя Бялт.
Усе тры тэлеграм-паведамленні, якія нібыта пакінуў Красько, былі напісаныя як каментары да публікацый на тэлеграм-канале «Вусы Лукашэнкі».
Стала вядома, што Дзянісу прызначаны тэрмін у выглядзе пазбаўлення волі на тэрмін 3 гады з адбываннем пакарання ў папраўчай калоніі ва ўмовах агульнага рэжыму.
вясна
