Сусветная арганізацыя здароўя другі раз за два гады абвясціла надзвычайнай сітуацыяй па ўсім свеце пагрозу распаўсюджвання інфекцыі mpox, паведамляе Reuters.
Раней гэту інфекцыю называлі «воспай малпаў», але ў 2022 годзе назву прызналі састарэлай і замянілі на абрэвіятуру. На пасяджэнні 14 жніўня чыноўнікі САЗ паведамілі, што ў апошнія тыдні назіраецца буйны рост выпадкаў захворвання mpox у краінах Афрыкі, і хвароба можа распаўсюдзіцца і на іншыя кантыненты.
Раней рэжым надзвычайнай сітуацыі з прычыны mpox абвясцілі ў Афрыцы. З пачатку года ў 18-ці краінах Афрыкі было зарэгістравана больш за 15 тысяч выпадкаў захворвання і 461 смерць, што на 160% больш, чым за аналагічны леташні перыяд. Патрабуецца тэрміновая вакцынацыя насельніцтва, але вакцын не дастаткова.
