Святара з Валожына абвінавачваюць у “здрадзе дзяржаве”. Айца Генадзя Акалатовіча затрымалі летась у лістападзе.
Піша праваабарончы цэнтр “Вясна”.
Ён перанёс інфаркт і нядаўна яму была зроблена аперацыя на страўніку ў сувязі з анкалагічным захворваннем, ён мае патрэбу ў медычным назіранні і пастаянным прыёме лекаў.
Нягледзячы на гэта, яго ўтрымліваюць у СІЗА КДБ. У першыя дні пасля затрымання святару ўдалося перадаць толькі прадметы гігіены, бялізну і таблеткі – ён мае сур’ёзныя хваробы, таму вымушаны прымаць некалькі відаў лекаў. Ксяндза абвінавачваюць у “здрадзе дзяржаве” паводле арт. 356 Крымінальнага кодэксу.
