Нобелеўская лаўрэатка прыехала ў Вільню на Кніжны кірмаш.
«Гэта была цёплая і шчырая сустрэча, дзе суразмоўцы абмеркавалі лёс беларускіх палітвязняў і важнасць адвакатавання іх вызвалення, а таксама абмяняліся думкамі пра ролю жаночага лідарства для беларускага грамадства і палітыкі Беларусі. Таксама размова ішла пра важнасць салідарнасці: галоўнае цяпер — шукаць тое, што натхняе, захоўваць еднасць і веру ў будучыню, нягледзячы на ўсе выпрабаванні», — гаворыцца ў паведамленні прэс-службы Святланы Ціханоўскай.
Акрамя таго, Святлана Ціханоўская ўручыла Алексіевіч Крыж Адраджэння, якім узнагароджваюцца за адданасць інтарэсам беларускага народу і значны ўклад у развіццё беларускай культуры.
Беларускае Радыё Рацыя
