Telegram будзе раскрываць нумары тэлефонаў і IP-адрасы карыстальнікаў, якія парушаюць правілы, па запытах праваахоўных органаў. Такія меры павінны “адпудзіць злачынцаў”, напісаў заснавальнік месэнджэра Павел Дураў. Ён паведаміў, што каманда Telegram абнавіла ўмовы прадастаўлення паслуг і палітыку прыватнасці, забяспечыўшы іх аднастайнасць ва ўсім свеце.
“IP-адрасы і нумары тэлефонаў тых, хто парушае нашы правілы, могуць быць раскрыты адпаведным органам у адказ на абгрунтаваныя юрыдычныя запыты”, — гаворыцца ў паведамленні.
Нагадаем, раней СМІ пісалі, што Telegram пасля затрымання яго заснавальніка Паўла Дурава ў Парыжы пачаў супрацоўнічаць з іншымі краінамі, падаючы інфармацыю па запытах іх праваахоўных органаў.
Крыніца: БАЖ
