У Менску на бягучы час вядома пра некалькі сотняў чалавек, якія цягам апошніх тыдняў сталі фігурантамі крымінальных справаў аб удзеле ў пратэстах 2020 года.
Праваабаронцы адзначаюць, што гэта звязана з тым, што хутка міне пяць гадоў з моманту акцый пратэсту, адпаведна скончыцца тэрмін даўнасці прыцягнення да адказнасці паводле арт. 342 КК. Пасля гэтага, згодна з заканадаўствам, нельга будзе судзіць удзельнікаў па ім. У той жа час праваабаронцы «Вясны» адзначаюць, што пераслед паводле арт. 293 КК («Удзел у масавых беспарадках») працягнецца.
