Беларуская прастора «Аксяродак» у Батумі рыхтуецца да свайго трохгоддзя, якое адзначаць 26 верасня 2025 года. З моманту заснавання ў 2022 годзе яна стала месцам, дзе беларуская культура і мова жывуць і развіваюцца ў Грузіі.
Напярэдадні святкавання, пра дзейнасць «Аксяродка» распавяла стваральніца праекта Аксана Акуневіч:
-Нам атрымалася захавацца. У нас ужо трэцяе памяшканне: з зусім маленькай вясковай хаткі мы перараслі ў трохпавярховы будынак у цэнтры горада. Захавалася супольнасць і падтрымка беларусаў.
Аксана ўпэўнена, што засталіся ў «Аксяродку» сталыя праекты з самага пачатку існавання:
-З пастаянных праектаў, на шчасце, захаваліся беларускамоўныя настолкі. Атрымалася стварыць школу.
Па неафіцыйных дадзеных, у Батумі засталося каля 4-х тысяч беларусаў, але данесці інфармацыю пра беларускія прасторы да тых, хто прыязджае, становіцца цяжка, бо яны амаль не карыстаюцца сацыяльнымі сеткамі.
Цалкам гутарка:
Беларускае Радыё Рацыя
