Тры месяцы – такі тэрмін за кратамі знаходзіцца палітвязень з Берасцейшчыны Вячаслаў Панасюк.
Яму прад’явілі арт. 369 Крымінальнага кодэкса – абраза прадстаўніка ўлады:
– Абвінавачванне ў адносінах да Вячаслава Панасюка заключалася ў тым, што ў красавіку 2021 года ў адной з сацсетак пад фатаграфіяй старшыні Гарадзенскага абласнога выканаўчага камітэту Уладзіміра Караніка, цытата нібы «маючы намер на публічную абразу прадстаўніка ўлады ў сувязі з выкананнем ім службовых абавязкаў», ён напісаў непрыстойны каментар, які «прыніжае гонар і годнасць пацярпелага».
Прысуд — два гады абмежавання волі з накіраваннем у папраўчую ўстанову адкрытага тыпу (“хімія”). Суддзя — Марына Скалковіч. Вядома, што справа была абскарджаная ў судзе другой інстанцыі, аднак засталася без зменаў. Палітвязень адбывае пакаранне ў папраўчай установе адкрытага тыпу №55.
Аліса Поль, Беларускае Радыё Рацыя
