Праваабарончая супольнасць Беларусі прызнала палітвязнямі 9 чалавек. Пералік імёнаў падае ПЦ “Вясна”: Дзяніс Андрошчык, Ганна Васілюк, Раман Парфёнаў, Мікалай Пратасевіч, Арцём Басалай, Валерый Раўкоўскі, Анастасія Ільніцкая, Аляксандр Пратасюк, Аляксей Мартынаў.
Праваабаронцы патрабуюць неадкладна вызваліць усіх палітычных зняволеных, а таксама грамадзян, затрыманых у сувязі з рэалізацыяй свабоды мірных сходаў у поствыбарчы перыяд, перагледзець палітычна матываваныя справы і спыніць палітычныя рэпрэсіі ў дачыненні да грамадзян краіны.
Па стане на 9 кастрычніка ў Беларусі прызнаныя палітычнымі вязнямі 1287 чалавек, рэальная іх колькасць нашмат большая.
