У дадатак да адзёру ў краіне падымаецца яшчэ адна небяспечная інфекцыя, асабліва для дзяцей меншых за два гады – коклюш або кохлік. Пра неспрыяльную эпідэміялагічную сітуацыю з захворваннем афіцыйна паведамілі на Піншчыне. Медыкі наракаюць – пакутуюць перадусім неімунізаваныя дзеці, колькасць якіх стала дастатковай для развіцця інфекцыі.
Адна з прычын адмовы бацькоў ад прышчэпкі – страх на рэакцыю. Па словах лекара, у любым выпадку трэба кансультавацца з медыкамі:
-Ёсць пэўны адсотак дзяцей, у якіх ёсць алергічная рэакцыя на адзін з кампанентаў прышчэпкі. Але тады ёсць афіцыйны медадвод і дзяця тады магчыма вакцынуюць ва ўмовах стацыянару, дзе ёсць усе ўмовы, калі раптам алергічная рэакцыя ўзнікне, там дапамогуць вельмі хутка. Гэта вымушаны захад, каб абараніць дзяцей ад гэтай інфекцыі.
Коклюш – гэта захворванне дыхальных шляхоў, пакутаваць ад якога можна да 25-ці дзён. Небяспека ў тым, што ня рэдкасць, калі хваробу ўспрымаюць за звычайную прастуду і толькі пры ўскладненнях звяртаюцца да медыкаў. Сярод наступстваў – пнеўманія.
Беларускае Радыё Рацыя
Фота з адкрытых крыніц
