У ноч на 5 верасня каля першай гадзіны ночы два ўдарныя дроны “Шахед” заляцелі ў Гомельскую вобласць Беларусі з Чарнігаўскай вобласці. Беларускія вайскоўцы ўзнялі ў неба знішчальнікі, у Гомельскім раёне былі чуваць выбухі.
Пра гэта паведамляе «Беларускі Гаюн», на якія спасылаюцца таксама ўкраінскія медыя. Паводле гэтых звестак: з аэрадрома Баранавічы ў Беларусі ўзнялі ў неба чарговы знішчальнік. Паведамляецца, што людзі «чулі і бачылі антыдронную працу ў беларускім небе”.
Папярэдняе месца падзенне рэшткаў аднаго расейскага “шахеда”, па дадзеных геолакацыі і паведамленняў карыстальнікаў у гарадскіх чатах, – Навабеліцкі раён Гомеля ў квартале завулкаў 6-й і 8-й Ільіча.
Па інфармацыі «Флагштока», недалёка ад пазначанага месца на вул. 3-й Транзітнай пажарная каманда тушыла невялікае ўзгаранне.
Таксама з раённага чата ёсць інфармацыя пра тушэнні пажару ў тым жа раёне па вуліцы Белага.
«За крамай «Суседзі» затушылі», – распавёў відавочца.
Беларускае Радыё Рацыя
