Па стане на 22 лістапада 2024 года агулам з 2020 года пад крымінальны пераслед патрапілі не менш за 42 экс-вайскоўцы, 26 з якіх былі пазбаўленыя волі.
20 лістапада стала вядома пра экстрадыцыю з В’етнама і затрыманне былога беларускага вайскоўца і экс-добраахвотніка Палка Каліноўскага Васіля Верамейчыка. Акрамя гэтага стала вядома, што 18 лістапада чарговым указам Лукашэнкі пазбавілі воінскіх і спецыяльных званняў яшчэ 21 чалавека.
Паводле «Вясны», цяпер у месцах зняволення знаходзяцца не менш за 20 былых вайскоўцаў, 18 з іх асуджаныя да пазбаўлення волі, яшчэ двое пад вартай да прысуду.
Беларускае Радыё Рацыя
