Большасць сайтаў і сэрвісаў, якія знаходзяцца ў Беларусі, сёння недаступная з-за мяжы. Абмежаванне ўступіла ў сілу ў 19.00 па беларускім часе 24 сакавіка і працягнецца да 23 гадзін 59 хвілін 25 сакавіка. Пра гэта напярэдадані паведаміў дырэктар сэрвіса Hoster.by Сяргей Павалішаў, патлумачыўшы абмежаванні патрабаваннем рэгулятара – Аператыўна-аналітычнага цэнтра пры беларускім дыктатары.
25 сакавіка беларусы ўсяго свету адзначаюць Дзень Волі. На гэтую ж дату прызначылі інаўгурацыю дыктатара Лукашэнкі.
Апошні раз абмежаванні доступу да сэрвісаў і сайтаў з Беларусі ўводзіліся падчас так званых выбараў у студзені гэтага года.
