У новы год з новымі крымінальнымі палітычна матываванымі справамі. Ад пачатку студзеня ўжо прайшло чатыры суды на Берасцейшчыне. Машына рэпрэсій не спыняецца, – распавяла праваабаронца:
– У новы год мы ўваходзім з новымі рэпрэсіямі, у прынцыпе з рэпрэсіямі тымі самымі. Калі глядзець на лёсы людзей, крымінальныя справы, разгляд судовых спраў, то так, ужо літаральна за тыдзень такіх некалькі спраў у судах Берасцейскай вобласці разглядалі. У прынцыпе тыя ж артыкулы, якія выкарыстоўваюцца апошнім часам – за абразу Лукашэнкі, абразу прадстаўнікоў улады, распальванне варожасці.
Праваабаронца дадала, што тэндэнцыі ў новым годзе таксама пакуль што назіраюцца не самыя лепшыя. Верагодна, што рэпрэсіі працягнуцца ў такім жа тэмпе.
Беларускае Радыё Рацыя
