Рэпрэсіі ў Беларусі. Праваабаронцы заклікаюць паведамляць пра затрыманні ў «справе Гаюна».
Паводле звестак ПЦ «Вясна», у Беларусі дагэтуль працягваюцца затрыманні ў межах крымінальнай справы за перадачу інфармацыі маніторынгавай групе «Беларускі Гаюн». Як паведамлялі былыя вязні, затрыманні адбываюцца ў межах артыкула Крымінальнага кодэкса «садзейнічанне экстрэмісцкай дзейнасці». Большасць затрыманых — мужчыны.
Вядома пра як мінімум шэсць судовых працэсаў па гэтай справе й пра як мінімум 38 пацверджаных фігурантаў, якіх змясцілі пад варту. Агульная ж лічба затрыманых значна большая. Некаторым падаўжаюць меру стрымання пад вартай на некалькі месяцаў.
Беларускае Радыё Рацыя
