У Беларусі штучны інтэлект (ШІ) будзе выкарыстоўвацца для распрацоўкі і аналізу законаў. Пра гэта заявіла намесніца кіраўніка Адміністрацыі Лукашэнкі Вольга Чупрыс.
Паводле яе слоў, ШІ дапаможа сістэматызаваць заканадаўчыя акты і праверыць, ці не дублююцца яны з ужо існуючымі дакументамі. Чупрыс таксама адзначыла, што штучны інтэлект будзе падказваць, ці варта прымаць новыя законы, калі шмат пытанняў ужо вырашана.
Ідэю ўкаранення ШІ ў заканадаўчы працэс падтрымала і кіраўніцтва краіны. Сістэму аўтаматызацыі нарматворчасці плануецца ўкараніць з дапамогай Нацыянальнага цэнтру заканадаўства і прававой інфармацыі.
Беларускае Радыё Рацыя
