У Беларусі ў бліжэйшыя дні могуць быць праблемы з інтэрнэтам. Пра гэта папярэджвае “Белтэлекам”.
З яго інфармацыі вынікае, што з 9-й гадзіны 9 кастрычніка да 6-й гадзіны 11 кастрычніка “ў сувязі з правядзеннем работ на сетцы перадачы даных… магчымы перапынак доступу ў сетку інтэрнэт для аператараў Беларусі”. Таксама могуць узнікнуць праблемы з доступам да рэсурсаў сеткі “Белтэлекама” праз падключэнне з Нацыянальным цэнтрам абмену трафікам.
“Прыносім прабачэнні за нязручнасці. Даведкі па тэлефоне “123”, – паведаміла прэс-служба прадпрыемства.
