Беларускі ўрад прыняў пастанову аб псіхалагічным сумоўі для педагогаў. Дакумент апублікаваны сёння, 9 снежня, на Нацыянальным прававым інтэрнэт-партале. У ім прапісаны парадак, тэрміны і выпадкі правядзення наймальнікамі, юрыдычнымі асобамі і індывідуальнымі прадпрымальнікамі псіхалагічнага сумоўя з педагогамі.
За такое сумоўе адказвае наймальнік. Праводзіць працэдуру павінны псіхолагі або педагогі-псіхолагі з дзяржарганізацый. З якіх менавіта – вызначаюць мясцовыя ўлады.
Весці гутаркі будуць не толькі з кандыдатамі на педагагічныя, спартыўна-трэнерскія і іншыя пасады, звязаныя з выхаваннем дзяцей, але і з дзеючымі работнікамі.
Заключэнне па выніках сумоўя будзе насіць рэкамендацыйны характар. А адмова ад яго праходжання афармляецца актам.
Запрацаваць новаўвядзенне павінна з 17 студзеня 2026 года.
Беларускае Радыё Рацыя
