За мінулы год Беларуская праваслаўная царква Маскоўскага патрыярхату страціла 68 абшчын і два брацтвы. Афіцыйную статыстыку прааналізаваў сайт katolik.life.
На сёння БПЦ мае 1669 рэлігійных суполак, а год таму іх было 1737. Таксама за год скарацілася колькасць праваслаўных брацтваў — ад 15 да 13.
Хутчэй за ўсё, гэта звязана з перарэгістрацыяй рэлігійных арганізацый, якую праводзіць рэжым Лукашэнкі. І гэты працэс яшчэ не завяршыўся.
А вось колькасць цэркваў БПЦ за год вырасла. Дзейных стала на дзве больш – цяпер іх 1880.
Статыстыкі па каталіцкім Касцёле пакуль няма. Але katolik.life піша, што колькасць каталіцкіх суполак за год таксама скарацілася — іх засталося менш за 500.
Беларускае Радыё Рацыя
Фота: katolik.life
