Дзяржаўная праграма «Лічбавая Беларусь» на 2026—2030 гады прадугледжвае скарачэнне папяровых дакументаў за кошт выкарыстання іх лічбавых версій пры вырашэнні розных жыццёвых і дзелавых пытанняў. Пацвярджаць сваю асобу можна будзе праз мабільны тэлефон.
У найбліжэйшую пяцігодку плануецца распрацаваць і пачаць выкарыстоўваць лічбавыя ўзоры шэрагу дакументаў, у тым ліку пашпарта грамадзяніна. Акрамя яго, у электронны выгляд могуць перавесці: пасведчанне кіроўцы; дазвол на часовае пражыванне; вайсковы білет; пенсійнае пасведчанне ды іншыя дакументы.
