29 сакавіка ў Беларускім Доме Варшавы «Вольная Беларусь» завяршыла cвяточнай імпрэзай святкаванне 108 гадавіны аб´яўлення незалежнасці Беларускай Народнай Рэспублікі. А пачалося адзначэнне важнай для беларусаў даты ў польскай сталіцы 25 сакавіка.
Пакуль Нацыянальная Ідэя, Дзяржава і Грамадства жывуць у стане разарванасці. Але наступіць той момант, калі ўсе гэтыя элементы спалучацца ў адным месцы – Дзяржаве, у адной сутнасці – Народзе і ў адным бачанні – Ідэ, кажа сябра «Вольнай Беларусі» Павел Усаў:
-Дзень Волі – я думаю, што двума гэтымі словамі можна сказаць усё пра тое, што гэтае свята азначае для Беларусі. Гэта не ўспамін – гэта мара пра волю і пра тое, што мы будзем мець сваю дзяржаву незалежную і дэмакратычную. Асноўная мэта дадзенага мерапрыемства – паказаць, што ёсць тыя людзі, якія дбаюць пра развіццё не толькі памяці, але і нацыянальнай палітычнай ідэі.
Пасля імпрэзы можна было набыць кнігі Зянона Пазьняка і «Зборнік Беларускіх патрыятычных песень з нотамі» Таццяны Грыневіч.
Цалкам матэрыял:
Беларускае Радыё Рацыя
