Ва Узброеных Сілах Беларусі пачынаецца праверка баявой гатовасці. Пра гэта паведамляе прэс-служба Міністэрства абароны. Кіраваць праверкай будзе начальнік Генеральнага штаба Павел Муравейка.
У Мінабароны адзначылі, што ў рамках праверкі пройдзе «апрабацыя новых спосабаў прымянення разведвальных і ўдарных беспілотных авіяцыйных комплексаў пры сумесным выкананні задач з сухапутнымі войскамі і актыўным выкарыстаннем сродкаў радыёэлектроннай барацьбы».
Паведамляецца, што байцам, у тым ліку ваеннаабавязаным з запасу, трэба будзе выканаць «увесь комплекс мерапрыемстваў па падрыхтоўцы ўзбраення, ваеннай і спецыяльнай тэхнікі да ўжывання, выйсці ў прызначаныя раёны».
“Звяртаем увагу, што ў ходзе праверкі запланавана перамяшчэнне ваеннай тэхнікі, магчыма часовае абмежаванне руху грамадзянскага транспарту па дарогах агульнага карыстання і ўчастках мясцовасці», — дадалі ў ведамстве.
Нагадаем, раней дзяржаўны сакратар Савета Бяспекі Беларусі Аляксандр Вольфавіч заявіў, што ў цяперашні момант краіна не назірае прыкмет магчымай агрэсіі ў свой адрас.
Беларускае Радыё Рацыя
