257 – такая колькасць палітвязняў у Берасцейскай вобласці па стане на сёння, 2 красавіка. Адносна папярэдняга месца лічба нязначна зменшылася.
Кажа праваабаронца праваабарончага цэнтра “Вясна” спадарыня Ганна:
– Але наколькі гэта адлюстроўвае тое, што палітвязняў сапраўды стала менш, – цяжка сказаць. Магчыма, проста праз тое, што ўлады ўсё больш і больш хаваюць інфармацыю. Пра рэпрэсіі проста менш вядома, пра палітвязняў, і яны нідзе ў спісах не фігуруюць.
Апошняя дададзеная асоба ў спіс палітвязняў на Берасцейшчыне – гэта Алег Шылаў. Берасцеец быў затрыманы ў жніўні мінулага года за пратэсты ў 2020 годзе. Зараз ён знаходзіцца ў СІЗА№7.
Беларускае Радыё Рацыя
