25 чэрвеня ў Берасцейскім абласным судзе пачаўся разгляд яшчэ адной крымінальнай справы ў фармаце «спецыяльнага вядзення».
Гэтым разам завочна судзяць: Вераніку Цапкала, палітолага Анатоля Котава, кіраўніцу аб’яднання «Наш дом» Вольгу Карач, лідара БСДП «Народная Грамада» Яўгена Вільскага і беларускага архітэктара Вадзіма Дзмітранка.
Фігурантаў справы абвінавачваюць паводле пяці артыкулаў, сярод якіх – стварэнне экстрэмісцкага фармавання і змова з мэтай захопу дзяржаўнай улады. З увагі на тое, што ўсе абвінавачаныя знаходзяцца за мяжой, суд праходзіць завочна.
Беларускае Радыё Рацыя
