Другая частка Лідарскай праграмы для беларускіх актывістак, якая праходзіла цягам тыдня ў Бруселі, паспяхова завяршылася. Дзесяць удзельніц узялі ўдзел у серыі сустрэч у еўрапейскіх інстытуцыях пра ролю беларускіх жанчын у дэмакратычным руху, гендарнай роўнасці і правах чалавека. Сярод ключавых падзей праграмы — сустрэча з віцэ-прэзідэнткай Еўрапарламента Эвай Копач.
Кажа намесніца прадстаўніцы па сацыяльнай палітыцы АПК Юлія Міцкевіч:
– Адна сустрэча, якая была вельмі важнай, канешне, гэта была сустрэча з прадстаўніцай Еўракамісіі – аддзялення, якое працуе з краінамі Усходняга партнёрства, уключаючы Беларусь. Гэта тыя, хто непасрэдна акумулюе і размяркоўвае сродкі. Таму для ўдзельніц было важна выказаць, якія інтарэсы іх
Асобнае месца заняла сустрэча з кіраўніцай дэлегацыі Еўрапарламента па сувязях з Беларуссю Малгажатай Гасеўскай, якая шмат гадоў застаецца адным з галоўных галасоў беларускага пытання ў ЕП.
Юлія Міцкевіч распавядае:
– Пасля таго, як Малгажата стала ўзначальваць дэлегацыю па сувязях з Беларуссю ў Еўрапарламенце, пытанне ўзаемаадносін ЕЗ з Беларуссю, спадарожныя фактары і падтрымка незалежных медыя, і вызваленне палітзняволеных. Вялікі спектр пытанняў дзякуючы ёй, яе камандзе гучаць больш і часцей унутры Еўрапарламента.
Асабліва важнай для ўдзельніц стала сустрэча з еўрадэпутаткай Абір Аль-Сахлані, членам Камітэта па правах жанчын і гендарнай роўнасці (FEMM). Вынікам размовы стала дамоўленасць аб пачатку афіцыйнай супрацы паміж Камітэтам FEMM Еўрапарламента і Камандай па гендарнай роўнасці Аб’яднанага Пераходнага Кабінета.
Цалкам матэрыял:
Беларускае Радыё Рацыя
Фота АПК
