У чацвер у Менску пачнуць судзіць фатографа Аляксандра Васюковіча. Анонс судовага пасяджэння праваабаронцы «Вясны» заўважылі ў раскладзе судоў.
Яго справу ў судзе Фрунзенскага раёну будзе разглядаць суддзя Юлія Крэпская.
Аляксандру інкрымінаваны т. з. «народны» артыкул КК (арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх).
Аляксандр — вядомы беларускі фатограф-фрылансер. За прафесійную кар’еру ён атрымаў безліч узнагарод за свае працы.
Паводле папярэдняй інфармацыі, Васюковіч утрымліваецца пад вартай у СІЗА №1 (на «Валадарцы»).
Падтрымаць яго: СІЗА №1,220030, Мінск, Валадарскага, 2, Аляксандр Алегавіч Васюковіч.
вясна
