Блогер Андрэй Павук у кіцелі беларускай міліцыі і з чырвона-зялёным сцягам у руках наведаў шэсце «За роўнасць!», якое правялі 7 чэрвеня ў цэнтры Вільні прадстаўнікі ЛГБТ+. Відэа свайго перформансу ён размясціў у YouTube-канале «Рудабельская паказуха».
Фота з Інстаграма Андрэя Павука.
Сілавікі палічылі акцыю Павука «здзекам з дзяржаўнага сцяга», распачалі супраць яго чарговую крымінальную справу і прыйшлі да ягоных бацькоў у Беларусі. Іх «пакаяльнае» відэа 11 ліпеня паказаў у сваім стрыме прапагандыст Азаронак.
Таксама былі паказаныя «пакаяльныя» відэа блізкіх іншых удзельнікаў віленскага маршу, якія трапілі ў трансляцыю Павука, піша «Люстэрка».
