У Ерусаліме, падчас гарадскіх урачыстасцяў у гонар Калядаў і Ханукі, беларускі актывіст Барыс Балтэ зладзіў адзіночную акцыў у памяць пра айца Вінцэнта Гадлеўскага. Гадлеўскі родам з вёскi Шурычы, што ў сённяшнiм Свiслацкiм раёне, ён быў адным з першых святароў, якія пачалі праводзіць службы на беларускай мове.
Кажа Барыс Балтэ:
–Ужо некалькі гадоў я раблю такую акцыю, гэта дзень памяці ксяндза Вінцэнта Гадлеўскага. 82 гады таму ён быў забіты менавіта перад Калядамі, ён быў выкрадзены з Чырвонага касцёла. Лацінскі патрыярхат у Ерусаліме, куды кожны год вечарам 24 снежня прыходжу, запальваю свечкі ля партрэта ксяндза Вінцэнта Гадлеўскага.
Нагадаем, што ў 2023 годзе чальцы Камуністычнай партыі разбурылі крыж памяці каталіцкага святара Вінцэнта Гадлеўскага, які стаяў каля менскага касцёла Святога Роха, на залатагорскіх могілках. Першапачаткова крыж стаяў у Трасцянцы, дзе 24 снежня 1942 года Гадлеўскі загінуў у лагеры смерці.
Цалкам гутарка ў далучаным гукавым файле:
Беларускае Радыё Рацыя
Фота з архіва Барыса Балтэ
