Міліцыя затрымала групу мігрантаў у Гародні. Грамадзяне Сірыі, Ірака, Егіпта і Алжыра былі затрыманы ў Кастрычніцкім раёне горада падчас рэйду, паведамляе прэс-служба УУС Гарадзенскага абласнога выканкама.
Адзначаецца, што агулам затрыманыя дзевяць чалавек, якія незаконна знаходзіліся ў краіне. Іх даставілі ў РУУС, праведзенае разбіральніцтва. Восем мігрантаў прыцягнуты да адміністрацыйнай адказнасці і ў далейшым будуць дэпартаваны за межы Беларусі. Яшчэ аднаму пагражае крымінальная адказнасць. Будзе пакараны і грамадзянін Беларусі, які выдзеліў уласнае жылое памяшканне для пражывання мігрантаў.
У міліцыі кажуць, што такія рэйды праводзяцца рэгулярна і летась, да прыкладу, выявілі 11 груп нелегальных мігрантаў, агулам 69 чалавек.
Беларускае Радыё Рацыя
Фота: скрыншот відэа УУС Гарадзенскага аблвыканкаму
