Вядомага гарадзенскага грамадскага актывіста і музыканта Уладзіміра Навумовіча судзяць за нібыта ўдзел у «экстрэмісцкім фармаванні» і «абразу Лукашэнкі».
Уладзімір Навумовіч вядомы ў горадзе над Нёманам яшчэ з пачатку 1990-ых гадоў як удзельнік розных беларускіх грамадскіх арганізацый, потым – як бізнесоўца. Доўгі час ён працаваў у фірме “Ракада”, якая спецыялізавалася на праектаванні каналізацыйных камунікацый.
24 ліпеня ў Гарадзенскім абласным судзе працягнуўся судовы працэс над Уладзімірам Навумовічам паводле двух крымінальных артыкулаў: ч. 1 арт. 368 (абраза Лукашэнкі) і ч. 3 арт. 361-1 (стварэнне экстрэмісцкага фармавання або ўдзел у ім). Гэта ўжо трэцяе пасяджэнне. Першае адбылося 15 ліпеня. Справу разглядае суддзя Мікалай Рачынскі, сумнавядомы шматлікімі карнымі прысудамі.
Уладзімір Навумовіч да ўсяго бас-гітарыст кавер-гурта BAND 777. Гэты гарадзенскі гурт выконвае кампазіцыі вядомых рок-гуртоў, такіх як AC/DC, Guns N’ Roses, Deep Purple.
Уладзіміру Навумовічу 61 год.
“Гарадзенская праваабарона”
