На лаве падсудных апынуўся неаднаразовы лаўрэат конкурсу «Найлепшы прадпрымальнік Гомельскай вобласці» Раман Напрэеў, піша «Флагшток».
2 жніўня ў судзе Цэнтральнага раёна Гомеля адбудзецца разгляд крымінальнай справы ў дачыненні да службовых асоб і саўладальнікаў ТДА «Палідрэў». Рамана Напрэева, Васіля Кавальчука і Максіма Худана абвінавачваюць ва ўхіленні ад выплаты падаткаў у буйным памеры. Максімальны памер пакарання, які пагражае абвінавачаным – 7 гадоў пазбаўлення волі. Найбольш вядомым бізнэсмэнам з трох фігурантаў крымінальнай справы зʼяўляецца Раман Напрэеў.
Выданне «Ежедневник» называла яго ў ліку найбольш уплывовых прадпрымальнікаў Гомельскай вобласці. Напрэеў уваходзіў у склад грамадска-кансультатыўнай рады па развіцці прадпрымальніцтва пры Гомельскім аблвыканкаме. Пасля падзей 2020 года Напрэеў выказаў падтрымку Лукашэнку.
