Пра гэта паведамілі ў Міністэрстве энергетыкі Беларусі.
Працы па аднаўленні энергазабеспячэння вядуцца ў 494 населеных пунктах. Працуе 197 аварыйных брыгад. Для часовага электразабеспячэння спажыўцоў знайшлі 90 перасовачных дызель-генератараў.
Аблвыканкамы і МНС шукаюць дадатковыя генератары. У Мінэнерга адзначылі, што энергетыкі працуюць кругласутачна і ва ўзмоцненым рэжыме. Але працу абцяжарваюць навальніцы з дажджом і моцным ветрам.
Тым часам у Магілёўскай вобласці электразабеспячэнне пацярпелых населеных пунктаў адноўленае. Праз моцны вецер у гэтым рэгіёне пацярпелі Быхаўскі, Чавускі, Бабруйскі, Кіраўскі, Слаўгарадскі, Касцюковіцкі і Клімавіцкі раёны.
Цяпер энергетыкі выязджаюць па індывідуальных заяўках. Аднаўляць сеткі магілёўскім энергетыкам дапамагалі калегі з іншых рэгіёнаў, адзначылі ў Мінэнерга. Працавала больш за 100 аварыйных брыгад.
