У Ізраілі памёр знакаміты савецкі дысідэнт і ізраільскі журналіст Эдуард Кузняцоў – чалавек, які перамог савецкую сістэму. Яму было 85 гадоў.
Фота з фэйсбуку Анат Залмансан-Кузняцовай.
У 1970 годзе Кузняцоў стаў адным з асноўных арганізатараў «аперацыі Вяселле» – няўдалай спробы групы савецкіх габрэяў захапіць пасажырскі самалёт з мэтай эміграцыі ў Ізраіль. Значэнне асобы савецкага дысідэнта каментуе жыхар Ашкелона, беларускі актывіст Барыс Балтэ:
– Гэта тое пакаленне, якое стала на шлях рашучага змагання з савецкай сістэмай, з тым, каб змагацца за правы чалавека і за нацыянальныя правы. Немагчыма было быць габрэем у СССР, немагчыма было эміграваць, не толькі ў Ізраіль, але і проста кудысьці паехаць у турыстычную вандроўку.
Пад уплывам шквалу міжнароднай крытыкі савецкія ўлады не рашыліся расстраляць Кузняцова і прыгаварылі яго да 15 гадоў турмы, а ў 1979 годзе ўключылі ў склад групы дысідэнтаў, якіх абмянялі на двух савецкіх агентаў, асуджаных у ЗША.
Цалкам матэрыял:
Беларускае Радыё Рацыя
