Сёння на 16.00 гадзіну па цэнтральнаеўрапейскім часе намечаны слуханні па справе былога ваяра Палка Каліноўскага, палітвязня Васіля Верамейчыка.
Як паведамляе тэлеграм-канал Каардынацыйнай рады, падчас слуханняў адбудзецца публічны разгляд інфармацыі, якая з’явілася ў СМІ і грамадскай прасторы датычна абставін, звязаных з забаронай на ўезд Васіля Верамейчыка ва Украіну і Літву, а таксама ацэнка магчымай ролі прадстаўнікоў дэмакратычных структур у гэтых працэсах.
Як адзначаецца, слуханні праводзяцца з мэтай падвышэння празрыстасці, падсправаздачнасці і даверу ў дзейнасці беларускіх дэмакратычных сіл, а таксама магчымасці перадухілення паўтору падобных сітуацый.
Трансляцыя слуханняў будзе адбывацца на Ютуб-канале Каардынацыйнай Рады.
