У менскія школы паступіла распараджэнне, якое абмяжоўвае выкарыстанне падчас святочных мерапрыемстваў Санта-Клаўса, замежных і калядных песень.
Пра гэта паведаміла «Еўрарадыё». Згодна з дакументам, які атрымалі класныя кіраўнікі, на ранішніках і канцэртах можна выкарыстоўваць толькі «вядомыя беларускія песні» і персанажаў з мясцовых традыцый.
Асаблівую ўвагу неабходна звярнуць на навагодняе афармленне — рэкамендуецца аддаваць перавагу элементам «славянскага паходжання». Пры гэтым распараджэнне не ўдакладняе, што канкрэтна разумеецца пад беларускімі традыцыямі.
Паводле паведамлення, якое прыводзіць «Еўрарадыё», да беларускай культуры могуць адносіць толькі язычніцкага Зюзю, а таксама Дзеда Мароза і Снягурку з савецкай эпохі. Таксама паведамляецца, што ўсе выезды і экскурсіі на зімовыя святы неабходна ўзгадняць з кіраўніцтвам школ.
Беларускае Радыё Рацыя
Фота: davanuserviss.lv
