У судзе Заводскага раёна Менска 19 лістапада пачынаецца суд над Ганнай, Іннай і Раманам Усманавымі, а таксама Кірылам Селязнёвым. Іх абвінавачваюць паводле ч. 1 арт. 342 КК (актыўны ўдзел у дзеяннях, што груба парушаюць грамадскі парадак). Суддзя — Дзмітрый Лукашэвіч.
Таксама сёння ў судзе Фрунзенскага раёна Менска разглядаюць справу паводле ч. 1 арт. 342 КК супраць Кацярыны і Ігара Грамовічаў. Працэс вядзе суддзя Таццяна Полулех.
21 лістпада распачнецца суд над Маркам Куніцкім і Ірынай Пратазанавай-Куніцкай у судзе Кастрычнікага раёна Менска. Разглядаць справу прызначана суддзя Алена Жывіца.
А 22 лістапада будуць судзіць сям’ю з трох чалавек: Ганну, Таццяну і Андрэя Вашчышыных. Працэс пройдзе ў судзе Фрунзенскага раёна Менска. Суддзя — Юлія Крэпская.
вясна
